Pagina Inicial»Noticia
Parlamentu Nasionál liu husi sesaun plenária ordinária iha loron 25 fulan abril tinan 2022, aprova ona Proposta Rezolusaun tolu mak hanesan; Proposta Rezolusaun Parlamentu Nasionál n.o 8/V (4ª) – Ratifica, para Adesão, a Convenção sobre o Regulamento Internacional para Evitar Abalroamentos no Mar de 1972, Proposta Rezolusaun Parlamentu Nasionál n.o 9/V 4ª) – Ratifica o Acordo sobre a Mobilidade entre os Estados-Membros da Comunidade dos Países de Língua Portuguesa no Proposta Rezolusaun n.o 10/V (4ª) – Ratifica o Tratado sobre a Proibição de Armas Nucleares.
Husi proposta tolu ne’e idaidak aprova ho 45 votu a favor, 0 kontra no 0 abstensaun, hafoin liu husi diskusaun naruk entre Deputadu sira no membru Governu ne’ebe reprezenta husi Ministra Negosiu Estranjeiru no Kooperasaun, Adaljiza Albertina Xavier Reis Magno inklui Ministru Transporte no Komunikasaun, José Agustinho da Silva.
Parlamentu Nasionál no Governu konsidera importante tebes ba aprovasaun rezolusaun hirak ne’e atu bele fasilita no regula di’ak liu movimentasaun inklui proibisaun ba armas nucleares.
Alem de ne’e, sesaun plenária ne’ebe prezide husi Prezidente Parlamentu Nasionál, Aniceto Longuinhos Guterres Lopes ne’e halo mós aprovasaun ba Projetu Rezolusaun Parlamentu Nasionál n.o 90/V(4ª) – apreciação da aplicação do estado de emergência renovado pelo Decreto do Presidente da Republica n.o 32/2020, de 27 de abril e renovado pelo Decreto do Presidente da República n.o 35/2020 de 27 de maio.
Aprova mós Projetu Rezolusaun Parlamentu Nasionál n.o 91/V(4ª) – apreciação da aplicação do estadu de emergência declarado pelo Decreto do Presidente da Republica n.o 59/2020, de 3 de setembro, renovado consecutivamente até à declaração pelo Decreto do Presidente da Republica n.o 95/2021, de 26 de outubro.
