Pagina Inicial»Noticia
Prezidente Komisaun G ne’ebe trata asuntu Edukasaun, Juventude, Kultura no Sidadania, Deputadu Antonio Verdial Sousa, halo audiénsia ho Ministru Justisa, Tiago Amaral Sarmento, iha Gabinete Ministru Justisa nian, iha loron 7 fulan abril tinan 2022.
Audiénsia ne’e ho objetivu atu diskute kona-ba preokupasaun estudante sira iha estranjeiru ne’ebe maioria passaporte expira ona, tanba ne’e Komisaun G dala barak foti preokupasaun refere hodi Governu toma solusaun.
Durante audiénsia, Prezidente Komisaun G sujere ba Ministériu Justisa no Ministériu Negosiu Estranjeiru no Kooperasaun atu buka solusaun hodi la bele defikulta estudante sira iha rai li'ur.
Ministru Justisa promete sei koordena ho Ministeriu Negosiu Estranjeru liuliu kria ekipa servisu hodi solusiona problema refere. FIM
