Pagina Inicial»Noticia
Parlamentu Nasionál liu husi Komisaun F ne’ebé trata asuntu Saúde, Seguransa Sosial no Igualdade Jeneru, hala’o fiskalizasaun iha Munisipiu Ainaro, iha loron 29 too 30 fulan marsu tinan 2022.
Atividade fiskalizasaun ne’ebé mak lidera husi Prezidente Komisaun F, Deputadu Noé da Silva Ximenes “Buka Tuir”, akompaña husi membru sira ne’e hahú reuniaun ho Administradór Munisipiu Ainaro, Leovigildo Amaral Pereira, ho-nia Diretor sira husi ministériu relevantes, hodi rona preokupasaun sira kona-ba Saúde, Solidariedade Sosial, Veteranu no seluk tan ne’ebé liga ba kompetensia Komisaun F nian.
Hafoin reuniaun, iha loron tuir mai, Deputadu sira fahe ba grupo rua hodi halo vizita ba Hospital referensia Maubisse, Klinika São Joaquim, Armajen SAMES, Armajen MSSI, Postu Saúde Nugufu no Maternidade Aitutu.
Durante fiskalizasaun ne’e responsável sira informa ba Deputadu sira kona-ba menuz fasilidade hodi halo atendimentu ho pasiente sira no preokupasaun sira seluk. FIM
