Pagina Inicial»Noticia
Parlamentu Nasionál liu husi sesaun plenária ordinária iha loron 7 fulan marsu 2022, halo ona apresiasaun foun ba Dekretu Parlamentu Nasionál n.o 54/V – ne’ebé aprova Estatutu Majistradu Judisiais, ho 40 votu a favor, 0 kontra no 0 abstensaun.
Deputadu sira halo apresiasaun foun ba dekretu ne’e tanba Prezidente Repúblika veta iha fulan kotuk ba artigu sira husi dekretu ne’e.
Entretantu iha intervensaun diversa nian, Deputadu sira kestiona kona-ba insidente balun durante kampaña prezidensiál inklui asuntu infraestrutura no seluk tan.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira. FIM.
