Pagina Inicial»Noticia
Komisaun D ne’ebé trata asuntu Ekonomia no Dezenvolvimentu no Komisaun G ne’ebé trata asuntu Edukasaun, Juventude, Kultura no Sidadania, aprezenta sira-nia relatóriu fiskalizasaun ba Munisípiu sira iha Plenária Parlamentu Nasionál, iha loron 22 fulan fevereiro tinan 2022.
Relatóriu ne’ebé Komisaun D aprezenta ne’e ba Munisípiu Covalima iha fulan janeiro 2022, entretantu relatóriu ne’ebé Komisaun G aprezenta ne’e ba Munisípiu Manatuto, Lautem, Viqueque no Baucau iha fulan janeiro no fevereiro 2022.
Iha intervensaun diversa nian, Deputadu sira kontinua alerta ba Governu atu rezolve infraestrutura bázika sira ne’ebé povu enfrenta.
Sesaun plenária ne’ebé prezide husi Prezidente Parlamentu Nasionál, Aniceto Longuinhos Guterres Lopes, ne’e baixa mós ba Komisaun A kona-ba Projetu Lei n.o 40/V(4ª) – Lei de Organização da Investigação Criminal.
