Pagina Inicial»Noticia
Komisaun A ne’ebé trata asuntu Konstitusionais no Justisa, finaliza ona diskusaun iha espesialidade ba Proposta Lei n.o 26/V(3ª) – Cria a Ordem dos Advogados de Timor-Leste e Aprova o respetivo estatuto, iha Munisípiu Aileu, durante loron rua hahú iha loron 16 too 17 fulan fevereiro tinan 2022.
Prezidente Komisaun A Deputadu Joaquim dos Santos hatete, Komisaun A ho autor judisiáriu sira durante semana rua hahú kedas husi Munisípiu Manufahi, halo diskusaun iha espesialidade ba Proposta Lei ne’e hodi halo aprovasaun ba kada artigu sira.
Durante diskusaun Deputadu sira Komisaun A ho autor judisiáriu sira konsentra makas ba kestaun estatutu no órgaun advogadu sira inklui akompañamentu advogadu sira iha prosesu justisa.
Sorin seluk ko’alia mós kona-ba advogado sira estranjeiru ne’ebé mai Timor-Leste tanba ne’e presiza regula iha lei refere no iha kooperasaun ho advogadu sira timoroan.
