Pagina Inicial»Noticia
Parlamentu Nasionál liu husi sesaun plenária ordinária iha loron 14 fulan fevereiro tinan 2022, aprova ona Proposta Lei n.o 25/V(3ª) – Regime Jurídico das Associações Públicas Profissionais, ho 40 votu a favor, 0 kontra no 0 abstensaun, iha final global.
Lei ne’e rasik Komisaun A halo ona diskusaun no aprovasaun iha espesialidade, iha semana kotuk ho prezensa husi autor judisiáriu sira.
Iha sesaun plenária ne’e mós Komisaun E ne’ebé trata asuntu Infraestrutura aprezenta nia relatóriu fiskalizasaun iha Munisípiu sira hanesan Bobonaro, Covalima, Liquiçá no Aileu.
Entretantu iha intervensaun diversa nian, Deputadu sira kontinua preokupa infraestrutura bázika liuliu estrada, ponte no seluk tan.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru sira no hetan prezensa husi Ministru ba Asuntu Parlamentares no Komunikasaun Sosial no Ministru Justisa ho nia ekipa.
