Pagina Inicial»Noticia
Komisaun D ne’ebé trata asuntu Ekonomia no Dezenvolvimentu iha loron 25 janeiro 2022, aprezenta nia relatóriu fiskalizasaun ba Munisípiu Liquiçá, iha sesaun plenária Parlamentu Nasionál nian.
Hafoin aprezentasaun relatóriu fiskalizasaun, Bankada Parlamentar FRETILIN liu husi Prezidente Bankada, Deputadu David Dias Ximenes, aprezenta deklarasaun polítika bankada FRETILIN nian ne’ebé ko’alia kona-ba eleisaun prezidensiál no deklarasaun lideransa balun ne’ebé hamosu preokupasaun iha públiku.
Sorin seluk, Grupo Feto Parlamentares mós liu husi nia prezidente aprezenta deklarasaun kona-ba kazu dengue ne’ebé kontinua aumenta liuliu iha kapitál Dili.
Entretantu iha períodu ordem do dia nian, Deputadu sira aprova Projetu Rezolusaun Parlamentu Nasionál n.o 88/V(4ª) kona-ba nesesidade hodi hetan solusaun ida ba eis-trabalhador sira empreza Lorosae Segurança nian, ho 48 votu a favor, 0 kontra no 0 abstensaun. FIM
