Pagina Inicial»Noticia
Parlamentu Nasionál liu husi Komisaun F ne’ebé trata asuntu Saúde, Seguransa Sosiál no Igualdade Jéneru, ne’ebé lidera husi Prezidente Komisaun F Deputadu Noé da Silva “Buka Tuir” akompaña husi membru sira komisaun nian, halo armonizasaun ba Proposta Lei Protesaun Labarik no Joven iha Perigu, durante loron tolu, hahú husi loron 20 – 22 fulan janeiro tinan 2022, iha Munisípiu Manufahi.
Komisaun F deside halo armonizasaun ho objetivu atu reajusta no halo aditamento ba proposta ne’e liuliu ba Kapitu balun. Tanba ne’e kapítulu dahuluk iha 48 artigu, kapítulu daruak iha 41 artigu no kapítulu ikus liu ho nia artigu 7.
Durante diskusaun ba armonizasaun ne’e Deputadu sira konsentra mós konteúdu no substánsia husi proposta lei refere no hamosu mós ideia balun atu halo reabertura bainhira opiniaun seluk.
Testu orijinál husi proposta refere hamutuk 103 artigu no liu husi diskusaun naruk hamosu tan artigu balun nune’e too 143 artigu.
