Pagina Inicial»Noticia
Parlamentu Nasionál liu husi sesaun plenária iha loron 4 fulan janeiru tinan 2022, aprova votu pezar ho 36 a-favor, 0 kontra no 0 abstensaun, hanesan omenajen ikus ba Saudozu Deputadu Silvino Adolfo Morais, ne’ebe hakotu-iis iha Hospital Nasionál Guido Valadares Díli, iha loron 3 fulan janeiru tinan 2022.
Bankada Parlamentar sira aprezenta sentimentu tristeza tanba lakon kolega, kompañeiru no kamarada ne’ebe durante ne’e servisu hamutuk hanesan Deputadu iha Parlamentu Nasionál.
Bankada Parlamentar sira mós lembra kontribuisaun no partisipasaun saudozu nian iha luta libertasaun nasionál ne’ebe saudozu rasik envolve iha organizasaun rezistensia sira.
Saudozu Deputadu Silvino Adolfo Morais, pertense ba Bankada Parlamentar FRETILIN no hanesan membru Komisaun C ne’ebe trata asuntu Finansas Públikas, iha Komisaun Espesializadas Permanentes.
