Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, iha loron 27 fulan dezembro tinan 2021, simu audiénsia husi Embaixadór Indonézia, Okto Dorinus Manik no Embaixadór Austrália, Peter Robert, iha Gabinete Prezidente nian.
Embaixadór Indonézia agradese tebes ba dispobilidade Prezidente Parlamentu Nasionál nian hodi bele hassoru malu no diskute planu no programa kooperasaun ba futuru.
Reuniaun refere hanesan reuniaun dahuluk, hanesan Embaixadór Indonézia foun mai Timor-Leste bainhira troka Embaixadór sesante.
Entretantu Embaixadór Austrália mai Timor-Leste, Peter Robert, agradese tebes ba Timor-Leste liuliu orgaun soberanu sira-nia kooperasaun durante nia mandatu. Reuniaun refere hanesan reuniaun ikus ba nia mandatu, nune’e aproveita hodi despede Prezidente Parlamentu Nasionál.
Prezidente Parlamentu Nasionál agradese ba servisu sira Embaixadór sira-nian durante ne’e no husu atu kontinua ba futuru hodi kontribui ba dezenvolvimentu Timor-Leste nian.
