Pagina Inicial»Noticia
Parlamento Nacional liu hussi sessão plenária iha loron 16 fulan dezembru tinan 2021, aprova ona Proposta Orsamentu Jeral Estadu 2022 nian iha final global, ho 44 a favor, 21 kontra no 0 abstensaun.
Antes hakat ba aprovasaun final global, Deputadu sira diskute no aprova uluk artigu 16º kona-ba Tranzisaun Saldu Jerensia Fundu Covid-19 no Fundu Insfraestruturas, artigu 17º kona-ba Rejime Transzitoriu, Kapitulu IV Orsamentu ba Seguransa Sosial artigu 18º kona-ba Organizasaun, artigu 19º kona-ba Finansiamentu, artigu 20º kona-ba Ezekusaun, Kapitulu V Dispozisaun Finais artigu 21º kona-ba Regra Ezekuasaun ba Orsamentu Jeral Estadu, artigu 22º Kontrolu Parlamentar, artigu 23º Responsabilidade no artigu 24º kona-ba Entrada em Vigor.
Hafoin ida-ne’e hakat ba votasaun final global no tuir kedas ho declarasaun votu husi Bankada Parlamentar sira ho resposta husi Primeiru-Ministru hodi agradese ba desizaun Deputadu sira-nian ba aprovasaun OJE 2022.
Husi proposta orsamentu inisial ne’ebé apresenta, sei hetan alterasaun relasiona ho aprovasaun proposta hirak ne’ebé aprezenta husi Deputadu sira.
Sesaun Plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira no hetan prezensa husi Primeiru-Ministru, Taur Matan Ruak, ho nia membru Governo sira.
