Pagina Inicial»Noticia
Komisaun G iha Parlamentu Nasionál ne’ebe trata asuntu Edukasaun, Juventude, Kultura no Sidadania, halo audiénsia ho Grupo de Reflecção sobre Educação, iha sala komisaun nian iha loron 17 fulan novembro tinan 2021.
Grupo de Reflexão sobre Educação ne’e kompostu husi eis-Ministru Edukasaun, Diretor sira, Dosente sira inklui ema hirak ne’ebe mai husi área edukasaun nian, ho objetivu atu tulun Governu liuliu Ministeriu Edukasaun liu husi opiniaun tekniku hodi dezenvolve setor edukasaun iha Timor-Leste.
Iha audiénsia ne’ebe prezide husi Prezidente Komisaun G, Deputadu Antonio Verdial Sousa, ne’e diskute liu kona-ba asuntu edukasaun iha Timor-Leste.
Durante diskusaun ne’e mós Domingos de Sousa hanesan eis-Embaixador Timor-Leste ba Brasil ne’ebe reprezenta grupo refere aprezenta dokumentu balun kona-ba edukasaun iha Timor-Leste ba Komisaun G hodi bele analiza.
