Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, halo reuniaun ho Prezidente Interinu Partidu FRENTE-MUDANÇA, Igidio de Jesus, iha loron 9 fulan novembru tinan 2021, iha Gabinete Prezidente Parlamentu Nasionál nian.
Reuniaun refere ho objetivu atu hametin amizade entre lideransa partidu sira iha asentu parlamentar, liuliu partidu FRENTE-MUDANÇA ho Parlamentu Nasionál.
Tanba ne’e hanesan partidu ne’ebe hetan asentu iha Parlamentu Nasionál, sei koloka nia hanoin ka opiniaun balun liga ba Orsamentu Jeral Estadu 2022 nian ba interesse povu nian.
Prezidente Parlamentu Nasionál apresia tebes ba vizita husi lideransa Partidu FRENTE-MUDANÇA nian ba Parlamentu Nasionál atu kontinua iha komunikasaun ne’ebe efetivu ba interesse Estadu no povu nian.
