Pagina Inicial»Noticia
Parlamentu Nasionál liu husi sesaun plenária extraordinária iha loron 3 fulan novembro tinan 2021, halo aprovasaun ba votu pezar ba saudozu Bispu Dom Basílio do Nascimento, ho 56 votu a favor, 0 kontra no 0 abstensaun no votu pezar ba saudozu Jornalista Max Stahl ho 56 votu a favor, 0 kontra no 0 abstensaun.
Bispu Dom Basílio do Nascimento hakotu is iha Hospital Nasionál Guido Valadares, iha loron 30 fulan outubro tinan 2021, no Jornalista Max Stahl hakotu is iha loron 28 fulan outubro tinan 2021 iha Brisbane Austrália.
Antes halo votu pezar, Deputadu sira halo uluk minutu ida hakmatek ba soudozu Bispu Dom Basílio no Max Stahl.
Iha sesaun plenária ne’e mós Deputadu sira halo aprovasaun iha final global ba Proposta Lei no 20/V(2ª) – alterasaun dahuluk ba Lei no10/2004, loron 24 fulan novembro kona-ba Lei Sistema Saúde, ho 57 votu a favor, 0 kontra no 0 abstensaun.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira no hetan prezensa husi Ministra Saude, Odete Maria Freitas Belo, ho nia ekipa.
