Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, partisipa iha reuniaun Konsellu Estadu, iha palasiu prezidensial, Díli, iha loron 25 fulan outubro tinan 2021.
Hafoin reuniaun, Xefe Kaza Sivil, Francisco de Vasconcelos, hatete, Prezidente Repúblika halo reuniaun ho Konsellu Superior Seguransa no reuniaun Konsellu Estadu bazeia ba pedidu husi Governu kona-ba renovasaun Estadu Emerjénsia nian ba dala 19º.
Kona-ba medida sira, Governu sei regula tuir nesesidade no evolusaun kazu Covid-19 iha Timor-Leste.
Hafoin rona tiha opiniaun husi membru sira Konsellu Superior Seguransa no Konsellu Estadu, Prezidente Repúblika sei husu ba Parlamentu Nasionál atu diskute no aprova estensaun ba Estadu Emerjénsia antes Prezidente Repúblika dekreta.
