Pagina Inicial»Noticia
Ofisiál Misaun Akonselamentu Eleitoral husi Organizasaun Nasoes Unidas, ne’ebe Xefia husi Zoran Trajkovski, halo reuniaun ho Prezidente Parlamentu Nasionál, Aniceto Longuinhos Guterres Lopes, akompaña ho nia Vise-Prezidente, Luis Roberto da Silva, iha loron 20 fulan outubro tinan 2021, iha sala Konferensia Parlamentu Nasionál.
Objetivu Misaun Akonselamentu Eleitoral mai Timor-Leste atu buka hatene fator no kestaun hirak ne’ebe sei fó impaktu ba prosesu eleisaun, identifika lakuna iha atividade teknika no seluk tan.
Prezidente Parlamentu Nasionál agradese tebes ba prezensa Misaun Akonselamentu Eleitoral iha Timor-Leste atu hametin liu tan eleisaun jeral iha tinan oin ne’ebe transparente no legitimidade demokratiku.
Teknikamente orgaun eleitoral sira prepara ona hodi organiza prosesu eleisaun nune’e ho prezensa Misaun Akonselamentu Eleitoral ONU nian bele garante liu tan prosesu eleisaun ho justu no di’ak liu tan.
