Pagina Inicial»Noticia
Parlamentu Nasionál liu husi sesaun plenária iha loron 19 fulan outubro tinan 2021, baixa ona Proposta Orsamentu Jeral Estadu 2022 nian ba Komisaun Espesializada Permanente sira hodi halo apresiasaun no audiénsia ho Governu liu husi ministériu relevante sira antes aprezenta ba plenária hodi diskute no aprova.
Iha período antes da ordem do dia nian Deputadu sira kontinua aprezenta preokupasaun povu nia liga ba nesesidade básika sira hanesan estrada, eletrisidade, saúde no edukasaun hodi Governu bele soluciona.
Alem de ne’e diskute mós relatóriu Komisaun D nian kona-ba petisaun funsionariu Compaña Seguransa Lorosa’e Lda.
Entretanto kona-ba Proposta Lei n.o 27/V(3ª) – Enkuadramentu Orsamentu Jeral Estadu no Jestaun Finanseira Publika, Deputadu sira kontinua halo diskusaun ba pedidu sira reabertura ba artigu balun.
Sesaun Plenaria ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru sira Meza nian.
