Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira simu ona Proposta Orsamentu Jeral Estadu (OJE) 2022 nian, iha loron 15 fulan outubro tinan 2021.
Proposta OJE 2022 ne’ebe entrega diretamente husi Ministru Finansas, Rui Augusto Gomes, akompaña husi Ministru Asuntu Parlamentares no Komunikasaun Sosial, Francisco Martins da Costa Pereira Jerónimo, ne’e ho montante billiaun $ 1,675.
Programa ho orsamentu boot liu iha tinan 2022 mak Boa Governasaun no Jestaun Institusionál ho objetivu atu sustenta mákina Estadu ho nia orsamentu kuaze millaun $295, tuir kedan Igualdade Jéneru no Inkluzaun Sosial millaun $203,78, Estrada no Ponte millaun $ 202, programa Saude millaun $ 106,78, Edukasaun no Formasaun millaun $ 105,87, no Eletrisidade millaun $ 101,73.
Tuir Rejimentu Parlamentu Nasionál, hafoin simu Proposta OJE refere técnico sira sei haree kestaun legalidade no konstituisionalidade husi inisiativa OJE ne’e hodi prepara nota teknika antes baixa ba komisaun espesializada sira.
