Pagina Inicial»Noticia
Parlamentu Nasionál iha loron 11 fulan outubro tinan 2021, aprova ona Projetu Lei no 33/V(3ª) - alterasaun dahuluk ba Lei no 5/2016, loron 25 fulan maiu ne’ebe estabelese Prosedimentu Konsesaun Indultu no Komutasaun Pena, ho 41 votu a favor, 0 kontra no 1 abstensaun.
Aprovasaun ba alterasaun lei ne’e hahú ho leitura ba relatóriu no pareser husi Komisaun A bazeia ba audiénsia ho Ministeriu Justisa nian.
Sesaun plenária ne’e mós aprova Orsamentu Privativu Parlamentu Nasionál ba tinan 2022, ho montante $14.604.224, ho 45 votu a favor, 0 kontra no 11 abstensaun.
Iha intervensaun diversa Deputadu sira-nian iha período de antes da ordem do dia nian, kontinua aprezenta preokupasaun hirak ne’ebe povu enfrenta hanesan estrada, eletrisidade, bee-moos no seluk tan.
Deputadu sira mós kontinua husu prosesu andamentu ba buka tuir restos mortais saudozu sira-nian liuliu Prezidente Nicolau Lobato nian.
Ministru Asuntu Parlamentar no Komunikasaun Sosial, Francisco Jerónimo, hatete Governu kontinua esforsu hodi rezolve preokupasaun hirak ne’ebe povu enfrenta.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira.
