Komisaun E iha Parlamentu Nasionál ne’ebe trata asuntu Infraestrutura halo audiénsia ho reprezentante sira komunidade Postu Administrativu Fatuberliu, Munisipiu Manufahi, iha loron 6 fulan outubro tinan 2021, iha sala Konferénsia Parlamentu Nasionál nian.
Durante audiénsia, reprezentante sira komunidade Fatuberliu aprezenta preokupasaun barak ba Deputadu sira Komisaun E nian liuliu kona-ba eletrisidade iha aldeia We-Bikas, Suku Klakuk ne’ebe too agora la asesu eletrisidade.
Hafoin ida-ne’e, Komisaun E kontinua halo reuniaun ho Funsionariu sira husi Diresaun Jeral Agua no Saneamentu, hodi diskute kona-ba problema ne’ebe funsionariu sira ne’e enfrenta hodi buka solusaun, inklui audiénsia ho ONG Asosiasaun HAK hodi rona preokupasaun hirak ne’ebe aprezenta husi organziasaun refere.
Audiénsia ne’ebe prezide husi Prezidente Komisaun E, Deputadu Abel Pires da Sila, ne’e promete sei komunika ho Governu liu husi Ministériu kompetente hodi rezolve.
