Pagina Inicial»Noticia
Komisaun A ne’ebe trata asuntu Konstitusionais no Justisa, iha loron 29 fulan setembru tinan 2021, halo audiénsia ho Prezidente Tribunal Rekursu, Deolindo dos Santos, Prokuradór – Jerál Repúblika, Alfonso Lopez, no Defensoria Públika, Cancio Xavier, iha sala konferensia Parlamentu Nasionál.
Audiénsia ne’e ho objetivu atu diskute kona-ba Projetu Lei n.o 33/V(4ª) – Alterasaun dahuluk ba Lei n.o 5/2016, loron 25 fulan maiu, ne’ebe estabelese Prosedimentu Konsesaun Indultu no Komutasaun Pena.
Durante audiénsia ne’ebe prezide husi Prezidente Komisaun Em-Exercício, Deputadu Francisco de Vasconcelos, ne’e diskute liu kona-ba prinsipiu no konteudu husi lei refere ne’ebe haree husi aspetu justisa nian.
Iha loron hanesan, Komisaun C ne’ebe trata asuntu Finansas Públikas, halo aprovasaun ba relatóriu no pareser ba Orsamentu Privativu Parlamentu Nasionál nian ba tinan 2022.
