Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, iha loron 23 fulan setembru tinan 2021, simu audiénsia husi Konseleiru Maximu Partidu KHUNTO, José dos Santos «Naimori Bucar», iha Gabinete Prezidente nian.
Audiénsia refere ho objetivu atu hametin kordenasaun entre Bankada Governu hodi prepara di’ak liu tan iha diskusaun no aprovasaun Orsamentu Jeral Estadu 2022 nian.
Konseleiru Maximu Partidu KHUNTO hatete presija iha kordenasaun ne’ebe efetivu no di’ak entre partidu tolu ne’ebe kaer Governu atu iha ambiente ne’ebe di’ak no saudável hodi konsentra ba programa no orsamentu ne’ebe benefisia ba povu.
Naimori Bucar dehan partidu FRETILIN, PLP no KHUNTO tenke hamutuk nafatin hodi lori dezenvolvimentu ba povu no nasaun liu husi Orsamentu Jeral Estadu.
