Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, iha loron 22 fulan setembru tinan 2021, simu audiénsia husi Embaixadór Indonézia iha Timor Leste, Sahat Sitorus, iha Gabinete Prezidente nian.
Iha audiénsia refere diskute kona-ba futuru kooperasaun entre nasaun rua iha área importante sira liuliu Parlamentu rai rua nian.
Sorin seluk Embaixadór Indonézia ne’e informa ba Prezidente Parlamentu Nasionál kona-ba nia mandatu ne’ebe sei termina iha inisiu fulan outubru.
Hanesan diplomata ida, kontente ho reuniaun lejislador rai rua nian ne’ebe hala’o iha Viena foin lalais ne’e, no husu atu kontinua no hametin ba oin
Embaixadór Indonézia ne’e konvida mós Prezidente Parlamentu Nasionál atu partisipa iha reuniaun Uniaun Interparlamentar ne’ebe sei hala’o iha Indonézia iha tinan oin.
