Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi Vise-Prezidente Luis Roberto da Silva, no Deputadu Antonio da Conceição, halo reuniaun bilateral ho Ketua DPR Indonézia (Presidente da Câmara dos Representantes da Indonésia) Puan Maharani, ho nia ekipa, iha loron 7 fulan setembru tinan 2021, iha Repúblika Áustria.
Reuniaun bilateral ne’ebe hala’o iha momentu konferénsia mundial ba prezidente parlamentu sira ne’e ho objetivu atu reforsa liu tan relasaun bilaterál no diplomasia parlamentár entre Timor-Leste ho Indonézia, promove no haburas valores demokrasia no respeita ba direitus umanus iha nivél mundiál no rejionál no esplora posibilidade no oportunidade ba parseria no kooperasaun ka asistensia téknika direta ho Parlamentu Nasionál hodi konsolida no moderniza dezenvolvimentu institusionál ne’ebé refleta iha Planu Estratejiku Parlamentu Nasionál nian 2017-2022.
Ketua DPR Indonézia promete kata Indonézia kontinua apoiu Timor-Leste atu adere ba organizasaun ASEAN. Parte rua mós konvida malu atu oinsá iha vizita kortezia Vice-versa hafoin pandemia, atu hametin liu tan relasaun bilateral.
