Pagina Inicial»Noticia
Prezidente Grupo das Mulheres Parlamentares de Timor-Leste, (GMPTL) Deputada Lídia Norberta dos Santos, akompaña husi Vise-Prezidente ho Sekretária, halo reuniaun ho Grupu Parlamentu Foin-Sa’e, iha loron 26 fulan agosto tinan 2021, iha sala GMPTL.
Durante reuniaun, Grupu Parlamentu Foin-sa’e aprezenta sira nia proposta ne’ebe mak durante ne’e sira diskuti iha plenaria no aprova ona area tematika lima hanesan Joven ho Edukasaun, Joven ho Moris Saudavel, Joven ho Empregu no Empregabilidade, Joven ho Partisipasaun Siviku no Joven ho Violensia no krime.
Area tematiku lima ne’e hakerek bazeia ba politika joven nian, ne’ebe hakerek ona iha Politika Nasional Juventude nian. Dadus sira ne’e sei aprezenta ba ministériu sira hodi bele konsidera iha planu asaun anual.
Prezidente GMPTL agradese tebes ba kontribuisaun dadus liuliu proposta hirak ne’ebe Grupo Parlamentu Foin-sa’e prepara. GMPTL apresia tebes ho inisiativa joven sira-nian hodi kontribui ba prosesu dezenvolvimentu no futuru joven sira rasik.
