Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, halo reuniaun regular ho estrutura sekretariadu Parlamentu Nasionál hanessa Sekretáriu-Jeral, Adelino Afonso de Jesus, Sekretáriu-Jeral Adjunto, Diretor sira, Xefe Divizaun sira no Asesor sira nasionál no internasionál, iha loron 25 fulan agosto tinan 2021, iha rezidensia ofisial Prezidente Parlamentu Nasionál nian.
Reuniaun regular ne’e ho objetivu atu atualiza nesesidade servisu sira ho nia difikuldade sira atu bele hadia servisu sekretariadu nian.
Prezidente Parlamentu Nasionál sujere atu kontinua aposta iha politika poupansa no profisionalizmu servisu hodi identifika prioridade sira ho efisiensia no eficaz.
Ho pandemia ne’ebe Estadu Timor-Leste hassoru, Prezidente Parlamentu Nasionál husu ba funsionariu tomak no asesor sira atu kontribui ba prevensaun no kombate vírus Covid-19 liu husi vasinasaun no implementasaun medida sira prevensaun nian.
