Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, partisipa iha reuniaun Konsellu Estadu, iha palasiu prezidensial, Díli, iha loron 23 fulan agosto tinan 2021.
Hafoin reuniaun, Xefe Kaza Sivil, Francisco de Vasconcelos, hatete, Prezidente Repúblika halo reuniaun liu husi videoconferencia ho Konsellu Superior Seguransa no reuniaun Konsellu Estadu bazeia ba pedidu husi Governu kona-ba renovasaun Estadu Emerjénsia nian ba dala 17º.
Kona-ba medida sira kontinua hanesan uluk ho konsiderasaun maximu relasiona ho vírus foun variante Delta ne’ebe daet ona ba nasaun barak inklui nasaun viziñu Indonezia no Timor-Leste rasik.
Tanba ne’e Governu hato’o pedidu ba Prezidente Repúblika hodi husu ba Parlamentu Nasionál atu diskute no aprova estensaun ba Estadu Emerjénsia antes Prezidente Repúblika dekreta.
