Pagina Inicial»Noticia
Parlamentu Nasionál liu husi reuniaun plenária extraordinária iha loron 10 fulan agosto tinan 2021, halo konfirmasaun ba Deklarasaun Estadu Emerjénsia husi Dekretu Prezidente Repúblika n.o 56/2021 loron 27 fulan jullu, autoriza husi Komisaun Permanente Parlamentu Nasionál liu husi Rezolusaun Parlamentu Nasionál n.o 20/2021, loron 27 fulan jullu.
Konfirmasaun ba Deklarasaun Estadu Emerjensia ne’e hetan prezensa husi Ministru ba Prezidensia Konsellu Ministru, Fidélis Manuel Leite Magalhães, ne’ebe reprezenta Primeiru-Ministru, akompaña husi Ministra Saúde, no membru Governu sira seluk, ho 34 a favor, 0 kontra no 18 abstensaun.
Deputadu sira kontinua husu ba Governu atu kontrola maximu iha área fronteira terrestre nian, inklui mantem implementasaun protokolu Covid-19 atu kombate moras refere.
Plenária extraordinária ne’e mós halo votu pezar ba vitima sira inundasaun iha Xina, no votu kongratulasaun ba atleta na’in tolu (3) ne’ebe partisipa iha jogu Olímpiku iha Japaun 2020.
Antes termina sesaun plenária ne’e, Deputadu sira mós aprova Projetu Rezolusaun n.o 79/V(3ª) – ne’ebe aprova fatin ba konstrusaun edifisiu foun Parlamentu Nasionál nian.
Sesaun Plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira no hetan prezensa husi Ministru ba Prezidensia Konsellu Ministru, Fidélis Manuel Leite Magalhães, no membru Governu sira seluk.
