Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, partisipa iha serimónia lansamentu livru I Volume Diskursu sira husi Prezidente Repúblika, Francisco Guterres Lú Olo, iha palasiu prezidensial Bairro-Pite Díli, iha loron 6 fulan agosto tinan 2021.
Diskursu I Volume ne’e hahu husi períodu 2017 – 2019, ne’ebe iha diskursu refere ko’alia asuntu oioin, hanesan polítika, ekonomia, saúde, meiu ambiente, defeza seguransa, no seluk tan.
Livru refere lansa husi Arsebispu Arkidioseze Metropolitana Díli, Mgr, Virgílio do Carmo da Silva, SDB, ho prezensa husi reprezentante Governu, Eis-Primeiru-Ministru, Mari Alkatiri, no konvidadu sira seluk.
Iha diskursu lansamentu, Prezidente Repúblika mensiona kona-ba nia komprimisiu ne’ebe hato’o bainhira simu pose hanesan Prezidente Repúblika liuliu kona-ba; afirmasaun no reprezentasaun Estadu; koezaun no integridade Estadu; koezaun no unidade nasionál; defeza no seguransa; paz, estabilidade, polítika no dezenvolvimentu; kooperasaun ho governu kona-ba polítikas, programas no Objetivus Dezenvolvimentu Sustentável; kombate korrupsaun no diskriminasaun ba ema; kombate violénsia hasoru feto no labarik; no protesaun meiu ambiente ba saúde públika no dezenvolvimentu sustentável. FIM.
