Pagina Inicial»Noticia
Komisaun E ne’ebe trata asuntu Infraestrutura, iha loron 14 too 16 fulan jullu tinan 2021, hala’o fiskalizasaun iha Munisipiu Baucau.
Atividade fiskalizasaun ne’ebe prezide husi Prezidente Komisaun E, Deputadu Abel Pires da Silva, akompaña husi membru sira hahú fiskaliza estrada ligasaun Postu Administrativu Laga ba Suku Sagadate no halo reuniaun ho autoridade lokal sira no komunidade Suku Sagadate hodi rona preokupasaun sira liga ba infraestrutura nian.
Durante reuniaun ho komunidade sira aprezenta preokupasaun liuliu eletrisidade ne’ebe tinan barak ona komunidade sira la asesu. Komunidade sira Suku Sagadate ho voluntariu mobiliza ona riin eletrisidade maibé too agora seidauk harii tanba enfrenta defikuldade barak liuliu la hetan orientasaun no apoiu husi EDTL.
Tanba ne’e komunidade sira sujere ba Deputadu sira Komisaun E atu informa ba Governu liuliu ministériu relevante atu rezolve preokupasaun sira ne’e.
Fila husi Sagadate, observa mós estrada ligação Mulia ba Quelicai hafoin ekipa Komisaun E kontinua halo reuniaun ho lideransa Kompaña internasionál ne’ebe responsabiliza obra estrada ligasaun Munisipiu Baucau ba Munisipiu Lautém, hodi atualiza servisu ba Deputadu sira.
Iha loron tuir mai, Komisaun E observa kondisaun servisu Obras Publikas Munisipiu Baucau, no halo mós reuniaun ho funsionariu no tekniku sira hodi rona preokupasaun hirak ne’ebe enfrenta iha baze.
Funsionáriu no tekniku sira aprezenta preokupasaun hanesan menuz rekursu humanu, ekipamentu hodi halo fiskalizasaun, transporte inklui finanseiru hodi apoiu atividade liuliu kontrolu konstrusaun sira iha área rural.
Prezidente Komisaun E promete sei halo reuniaun ho Ministru Obras Publikas hodi aprezenta no diskute preokupasaun sira liuliu estrada no eletrisidade ne’ebe tinan barak ona komunidade sira la asesu.
Komisaun E mós sei informa ba Ministeriu Obras Publikas kona-ba difikuldade hirak ne’ebe funsionáriu no tekniku sira Obras Publikas nian enfrenta iha Munisipiu Baucau.
Komisaun E ne’ebe trata asuntu Infraestrutura, iha loron 14 too 16 fulan jullu tinan 2021, hala’o fiskalizasaun iha Munisipiu Baucau.
Atividade fiskalizasaun ne’ebe prezide husi Prezidente Komisaun E, Deputadu Abel Pires da Silva, akompaña husi membru sira hahú fiskaliza estrada ligasaun Postu Administrativu Laga ba Suku Sagadate no halo reuniaun ho autoridade lokal sira no komunidade Suku Sagadate hodi rona preokupasaun sira liga ba infraestrutura nian.
Durante reuniaun ho komunidade sira aprezenta preokupasaun liuliu eletrisidade ne’ebe tinan barak ona komunidade sira la asesu. Komunidade sira Suku Sagadate ho voluntariu mobiliza ona riin eletrisidade maibé too agora seidauk harii tanba enfrenta defikuldade barak liuliu la hetan orientasaun no apoiu husi EDTL.
Tanba ne’e komunidade sira sujere ba Deputadu sira Komisaun E atu informa ba Governu liuliu ministériu relevante atu rezolve preokupasaun sira ne’e.
Fila husi Sagadate, observa mós estrada ligação Mulia ba Quelicai hafoin ekipa Komisaun E kontinua halo reuniaun ho lideransa Kompaña internasionál ne’ebe responsabiliza obra estrada ligasaun Munisipiu Baucau ba Munisipiu Lautém, hodi atualiza servisu ba Deputadu sira.
Iha loron tuir mai, Komisaun E observa kondisaun servisu Obras Publikas Munisipiu Baucau, no halo mós reuniaun ho funsionariu no tekniku sira hodi rona preokupasaun hirak ne’ebe enfrenta iha baze.
Funsionáriu no tekniku sira aprezenta preokupasaun hanesan menuz rekursu humanu, ekipamentu hodi halo fiskalizasaun, transporte inklui finanseiru hodi apoiu atividade liuliu kontrolu konstrusaun sira iha área rural.
Prezidente Komisaun E promete sei halo reuniaun ho Ministru Obras Publikas hodi aprezenta no diskute preokupasaun sira liuliu estrada no eletrisidade ne’ebe tinan barak ona komunidade sira la asesu.
Komisaun E mós sei informa ba Ministeriu Obras Publikas kona-ba difikuldade hirak ne’ebe funsionáriu no tekniku sira Obras Publikas nian enfrenta iha Munisipiu Baucau.
