Pagina Inicial»Noticia
Komisaun D ne’ebé trata asuntu Ekonomia no Dezenvolvimentu, iha loron 8 fulan jullu tinan 2021, realiza visita de traballu ba Ministériu Koordenador ba Asuntu Ekonómiku (MKAE), ho objetivu, atu observa besik liu kondisaun servisu iha instituisaun refere.
Iha enkontru ne’e, Presidente komisaun D, Antoninho Bianco, enkoraja Ministru ho nia subordinadu sira atu bele hala’o kna’ar ho diak maski ho espasu servisu ne’ebé kiik no forsa traballu ne’ebé uitoan.
Presidente ne’e salienta liu tan katak, liu husi visita de traballu ne’e, komisaun bele halo relatóriu no pareser ba iha Parlamentu Nasionál liu husi plenária.
Iha sorumutuk ne’e, Ministru MCAE, fó oportunidade ba Diretor sira iha instituisaun ne’e hodi hato’o diretamente sira nia servisu ba iha Deputadu sira komisaun nian ligadu ho implementasaun cesta básica, inklui tradeinvest Timor-Leste oinsá atu atrai investidores husi rai liur.
Depois de enkontru, Delegasaun hala’o visita hodi haré diretamente espasu ne’ebé funcionários MCAE sira hala’o knar ho kondisoens ne’ebé la favorável.
Visita de traballu ne’e, lidera husi Presidente komisaun D, Deputadu Antoninho Bianco, akompaña husi Sekretáriu Komisaun nian, Deputado Alexandrinho Cardoso da Cruz inklui Assessora no-mos tekniku komisaun nian.
