Pagina Inicial»Noticia
Komisaun E ne’ebe trata asuntu Infraestrutura iha Parlamentu Nasionál, uza transporte lokal hanesan TUM-TUM hodi halo atividade fiskalizasaun ba estrada protokolu iha kapital Munisipiu Manatuto, iha loron 2 fulan jullu tinan 2021.
Deputadu sira Komisaun E nian deside hodi utiliza transporte TUM-TUM refere tanba efetivu liu no fó kontribuisaun uitoan ba transporte lokal sira hodi hetan rendimentu.
Vise-Prezidente Komisaun E, Deputadu Fabião Oliveira hatete Komisaun E deside uza TUM-TUM hodi halo fiskalizasaun iha kapital Munisipiu Manatuto hodi kontribui uitoan ba rendimentu transporte lokal sira-nian no hatudu mós katak estrada hirak ne’ebe transporte lokal bele asesu, Deputadu sira hanesan reprezentante povu iha obrigasaun atu uza.
Husi aktu refere, maioria komunidade Manatuto sente kontente liuliu kondutor sira TUM-TUM nian tanba liu husi atividade fiskalizasaun refere bele hetan rendimentu.
Deputadu sira inklui tekniku Komisaun E nian aluga TUM-TUM hamutuk 10 ho folin $10,00 kada TUM-TUM durante horas rua nia laran.
