Presidente Parlamentu Nasionál, Aniceto Longuinhos Guterres Lopes, Assina Protokolu Kooperasaun ho Magnifiku Reitor Universidade Nacional Timor-Leste (UNTL) Sr. João Soares Martins, acompanha mos hussi Chefe Bancada Parlamentar sira no mos komitiva hussi UNTL nian, iha loron 30 fulan juño tinan 2021, iha Sala Konferéncia Parlamentu Nasionál nian.
Iha loron hanesan, Presidente Parlamentu Nasionál mos partisipa iha assinatura Protokolu Kooperasaun entre Grupu Mulheres Parlamentares de Timor-Leste (GMPTL) ho Plan Internasional, ne’ebe mak assina husi Presidente GMPTL, Deputada Lídia Norberta do Santos Martins ho Sr. Diretora Plan Internacional, Dillyana Ximenes.
Protokolu kooperasaun entre Parlamentu Nasionál ho UNTL ne’e foka ba área importante tolu mak hanesan Formasaun ba Rekursu Humanu, Dezemvolvimentu Instituisional no Peskija Sientifiku.
Presidente Parlamentu Nasionál konsidera assinatura protokolu kooperasaun ne’e importante tebes ba dezemvolvimentu Recursu Humanu parlamentares, liuliu ba Funsionáriu no mos Membru Deputadu sira ne’ebe mak iha interese atu kontinua estudu.
Protokolu entre GMPTL ho PLAN Internacional ho objetivu hodi kombate Igualdade no diskriminasaun hasoru feto no labarik feto iha Timor-Leste.
Presidente GMPTL iha nia intervensaun hato’o agradesimentu ba Plan internasionál ba disponibilidade sira hodi promove advokasia husi nivel nasionál to’o munisípiu konaba direitu ba labarik feto sira, ida ne’e hanesan meius ida importante hodi bele haforsa tan atividades GMPTL nia iha nivel munisipiu.
