Pagina Inicial»Noticia
Parlamentu Nasionál liu husi sesaun plenária iha loron 29 fulan juñu tinan 2021, Provedoria dos Direitos Humanos no Justiça (PDHJ), representa husu Provedora Jesuina Maria Ferreira Gomes ho nia komitiva, halo apresentasaun ba relatóriu anual 2020 nian iha plenária Parlamentu Nasionál.
Entretantu, Relatoriu anual 2020 ne’e iha nia area importante hat maka hanesan: 1. Formasaun no treinamentu iha area direitus umanus no boa governasaun, 2. Keixa no investigasaun iha area direitus umanus no boa governasaun, 3. Fiskalizasaun no rekomendasaun ba instituisaun Estadu sira, 4. Jestaun institusional inklui mos dezafiu no rekomendasaun ba Parlamentu Nasionál nomos ba entidade sira Guvernu nian.
Deklarasaun Politika husi Bankada KHUNTO, reprezenta husi Deputadu António Verdial de Sousa, kona-ba servisu impresa bee Timor-Teste ne’ebé halo exonerasaun ba funsiunariu sira.
Deputadu sira hato’o problema liga ho situasaun moris populasaun nian, mak hanesan, falta bee-moos, Estrada aat; vacina ba populasaun além de Vasina AstraZeneca presiza mós alternativu vasina seluk; ahi han uma kultural iha Baucau, husu Sekretáriu Estadu Kultural hodi tau matan; problema eskola iha Municipio Lautém, Husu Governu atu hari tan eskola filial iha fatin refere; Eskola Sekundária-Jeral iha Munisipiu Suai, processu aprendizajem kontinua lao mezmu professor balun pozitivu covid-19; ruin saudozo sira ne’ebé mak lakon to agora seidauk hetan; falta material ba observa moras kurasaun nian mezmo tekniku sira iha ona; prosesu tratamentu dokumentu sidadania iha embaixada Portugal, sidadaun haruka e-mail maibé la hetan resposta husi embaixada.
Sesaun plenária ne’e prezide husi Vise-Prezidente Parlamentu Nasionál, Luis Roberto da Silva, akompaña husi membru Meza sira, ho prezensa Provedora Direitus Humanus no Justiça (PDHJ), Jesuina Maria Ferreira Gomes ho nia komitiva
