Komisaun D, ne’ebe trata assuntu Ekonomia no Dezenvolvimentu, iha loron 24 fulan juñu tinan 2021, iha parte dader realiza visita de trabalho ba Ministeriu Turismu, Komersiu no Indústria, no iha parte lokraik ba Sekretáriu Estadu Ambiente.
Objetivu hussi visita ne’e hodi partilha no diskute hamutuk kona-ba planu atividade no mos dificuldade sira ne’ebé mak Ministério no mos Sekretáriu Estadu enfrenta.
Visita ne’e lidera hussi Presidente Komisaun nian, Deputadu Antoninho Bianco, acompanha husi Deputadu sira komisaun nian.
Iha parte seluk, Komisaun B, ne’ebé trata asuntu Negosiu Estranjeiru, Defeza no Seguransa Nasionál, realiza audiência ho Ministra Negócios Estranjeirus no Kooperasaun hodi halo apresisaun ba planu legislativa Governu nian ba tinan 2021 no mos artikulasaun perante orgaun soberania sira ba situasaun nasaun Myanmar nian.
Audiência ida ne’e, preside hussi Presidente Komisaun B, Deputado José Agustinho Sequeira “Somoxo” akompaña husi Deputadu sira komisaun nian, konta mos ho prezensa Ministra Negociu Estranjeiru no Kooperasaun, Adaljiza Magno ho nia komitiva.
Komisaun sira seluk halo kontinuasaun ba servisu hanesan anterior Komisaun C ne’ebé trata assuntu Finanças Públicas, halo aprovação ba relatório Pareceres ba Proposta de Lei n.º 27/V(3ª) – Lei Enquadramento do Orçamento Geral do Estado e da Gestão Financeira Pública; Komisaun F ne’ebé trata asuntu Saúde, Segurança Social no Igualdade Jénero hetan apresentasaun husi assessor sira kona-ba Projeto de Lei n.º 29/V(3ª) – Lei de Proteção a crianças e jovens em perigo; Komisaun A ne’ebé trata Asuntu Konstitusionais no Justisa halo diskusaun especialidade ba Proposta de Lei n.º 30/V/3ª, n.º 31/V/3ª no n.º 33/V/3ª, iha município Aileu; Komisaun E ne’ebé trata asuntu Infraestruturas realiza visita fiskalizasaun ba municipiu Ermera hodi hare projetu infraestrutura sira iha municipiu refere no Komisaun G ne’ebé trata assuntu Edukasaun, Juventude, Kultura no Sidadania, halo visita fiskalizasaun ba Municipiu Aileu.
