Komisaun D, ne’ebe trata assuntu Ekonomia no Dezenvolvimentu, iha loron 23 fulan juñu tinan 2021, hala’o audiénsia ho Ministru Agrikultura no Peskas nian, Pedro dos Reis ho nia komitiva, iha Sala Grupo das Mulheres Parlamentares de Timor-Leste (GMPTL).
Objetivu hussi enkontru ne’e hodi partilha informasaun relaciona ho inundasaun ne’ebé akontese iha fulan marsu liu ba hodi estraga irigasaun sira iha munisipiu balun.
Audiénsia ne’e preside hussi Presidente Komisaun nian, Deputadu Antoninho Bianco, acompanha husi Deputadu sira komisaun nian, konta mos ho presença Ministru Agrikultura no Peskas, Pedro dos Reis ho nia komitiva.
Além de audiência, iha parte lokraik, Komisaun Kontinua nia visita de trabalho ba Sekretáriu Estadu Kooperativa hodi rona no diskute hamutuk kona-ba planu atividade no mos dificuldade sira.
Iha parte seluk, Komisaun C ne’ebé trata assuntu Finanças Públicas, halo aprovação ba relatório Pareceres ba Proposta de Lei n.º 27/V(3ª) – Lei Enquadramento do Orçamento Geral do Estado e da Gestão Financeira Pública; Komisaun F ne’ebé trata asuntu Saúde, Segurança Social no Igualdade Jénero hetan apresentasaun husi assessor sira kona-ba Projeto de Lei n.º 29/V(3ª) – Lei de Proteção a crianças e jovens em perigo; Komisaun G ne’ebé trata assuntu Edukasaun, Juventude, Kultura no cidadania, halo apresiasaun kona-ba fiskalizasaun ba munisipiu sira. Portanto, Komisaun A ne’ebé trata Asuntu Konstitusionais no Justisa halo diskusaun especialidade ba Proposta de Lei n.º 30/V/3ª, n.º 31/V/3ª no n.º 33/V/3ª, iha município Aileu; Komisaun E ne’ebé trata asuntu Infraestruturas realiza visita fiskalizasaun ba municipiu Ermera hodi hare projetu infraestrutura sira iha municipiu refere.
