Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, simu audiénsia husi estrutura masimu husi Partidu Unidade Dezenvolvimentu Demokrátiku (PUDD), hanesan Prezidente Interinu PUDD, Silvestre Xavier Sufa, ho nia ekipa, iha loron 17 fulan juñu tinan 2021, iha Gabinete Prezidente nian.
Durante audiénsia diskute kona-ba partisipasaun Bankada PUDD nian iha Parlamentu Nasionál tanba horas ne’e daudaun Deputadu PUUD António De Sá Benevides, halo hela tratamentu saúde iha rai li'ur.
Tanba ne’e, importante tebes halo substituisaun ba Deputadu ne’e hodi assegura nafatin diskusaun no votasaun ba lejislasaun ruma ka asuntu importante sira.
Entretantu Rejimentu Parlamentu Nasionál preve katak rekerimentu ba substituisaun temporária ne’e tenke mai husi inisiativa Bankada Parlamentar, no tuir lista kandidatura ba elisaun parlamentar nian.
