Pagina Inicial»Noticia
Komisaun G ne’ebe trata asuntu Edukasaun, Juventude, Kultura no Sidadania, halo audiénsia ho Ministru Ensinu Superior Siensia no Kultura, Longuinhos dos Santos, akompaña husi Sekretáriu Estadu Arte no Kultura, Teófilo Caldas, no Diretora Ezekutiva Fundu Dezenvolvimentu Kapital Umanu, Leila Carceres dos Santos, iha loron 17 fulan juñu tinan 2021, iha sala GMPTL.
Audiénsia ne’e ho objetivu atu informa no klarifika kona-ba pontu situasaun implementasaun programa no ezekusaun orsamentu, ne’ebé Ministériu Ensinu Superior, Siensia no Kultura hala’o iha tinan 2021.
Além de ne’e diskute mós kona-ba programa Bolsa Hakbi’it ho nia kriteria sira hodi asesu ba bolsa estudu nian husi estudante rai laran no rai li'ur.
Iha audiénsia ne’e Deputadu sira Komisaun G nian sujere ba ministériu atu kontinua melhoria servisu liuliu implementasaun programa sira hodi benefisia estudante sira.
