Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi Sekretária Komisaun F, Deputada Helena Martins, simu audiénsia husi Kordenador Rezidente Organizasaun Nasaun Unida iha Timor-Leste, Roy Trivedy, no Kordenador foun UNICEF ho nia ekipa iha loron 16 fulan juñu tinan 2021, iha Gabinete Prezidente nian.
Durante reuniaun, parte rua partilla kona-ba servisu hirak ne’ebe lao durante ne’e no planu balun ne’ebe sei realiza iha futuru.
Kordenador foun UNICEF iha Timor-Leste promete sei kontinua planu no programa hirak ne’ebe durante ne’e hala’o ona liuliu iha protesaun labarik sira-nian.
Tanba ne’e, UNICEF konsidera importante tebes iha tempu badak presija iha lejislasaun propriu ba protesaun labarik nian, atu labarik sira le bele kontinua vitima ba aspetu hotu-hotu.
Prezidente Parlamentu Nasionál no Komisaun F iha kometimentu atu prepara no diskute lejislasaun kona-ba protesaun labarik iha tempu badak antes tama resesu.
Sekretária Komisaun F husu apoiu UNICEF ho entidade relevante sira iha prosesu finalizasaun lejislasaun refere, nune’e bele produz lejislasaun ida-ne’ebe kualidade no satisfaz ba ema hotu.
