Pagina Inicial»Noticia
Komisaun E ne’ebe trata asuntu Infraestrutura, iha loron 7 fulan juñu tinan 2021, aprezenta nia relatóriu fiskalizasaun iha sesaun plenária.
Relatóriu ne’ebe aprezenta husi relatora Deputada Maria Anabela Savio no akompaña husi Prezidente Komisaun E Deputado Abel Pires ne’e aprezenta kona-ba relatóriu atividade fiskalizasaun ba Munisipiu Viqueque no Manufahi.
Entretantu iha intervensaun diversa nian, Deputadu sira informa kona-ba paciente barak iha Hospital Nasionál Guido Valadares presija transfere ba hospital sira iha estranjeiru, implementasaun serka sanitária, insidente iha Lahane ne’ebe hamate ema na’in rua inklui asuntu importante sira seluk.
Ministru Asuntu Parlamentar no Komunikasaun Sosial, Francisco Jerónimo, hatete insidente iha Lahane iha ona prosesu investigasaun Komandu Polisia no aprezenta ona ba Tribunal, no asuntu sira seluk Governu liu husi ministériu relevante sira kontinua esforsu hodi rezolve.
Sesaun Plenária ne’e prezide husi Vise-Prezidente Parlamentu Nasionál, Luís Roberto da Silva, akompaña husi membru Meza sira no hetan prezensa husi Ministru Asuntu Parlamentar no Komunikasaun Sosial, Francisco Jerónimo.
