Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi Prezidente Grupo Nasionál Parlamentu Nasionál ba Assembleia Parlamentar da Comunidade de Países de Língua Portuguesa (AP-CPLP), Deputado Francisco Miranda Branco, iha loron 18 fulan maiu tinan 2021, simu audiénsia husi Sekretáriu Ezekutivu Comunidade dos Países de Língua Portuguesa (CPLP), Zacarias Albano da Costa, ho nia ekipa iha gabinete Prezidente nian.
Durante audiénsia, Sekretáriu Ezekutivu CPLP ne’e fahe informasaun sira kona-ba CPLP nian ba Prezidente Parlamentu Nasionál liuliu preparasaun hirak ne’ebe halo ona too tomada de posse ne’ebe sei hala’o iha fulan jullu iha simeira CPLP nian iha Angola.
Ho responsabilidade Sekretáriu Ezukutivu ne’e Timor-Leste hetan vantajen boot, importante mak partisipa ativu no influénsia iha ajenda CPLP nian.
Prezidente Parlamentu Nasionál orgullu no fó parabéns ba Zacarias Albano da Costa, hanesan timoroan assumi kargu importante iha CPLP. Prezidente Parlamentu Nasionál garante katak Parlamentu Nasionál sei fó apoiu tomak ba servisu tomak Sekretáriu Ezekutivu CPLP nian.
