Pagina Inicial»Noticia
Prezidente Parlamentu Nasionál, Aniceto Longuinhos Guterres, akompaña husi Prezidente Komisaun F, Deputado Noe da Silva “Buka Tuir”, halo reuniaun ho Embaixadór Australia, Peter Roberts, iha gabinete Prezidente nian, iha loron 12 fulan maiu tinan 2021.
Hafoin reuniaun Embaixadór Austália informa ba jornalista sira katak, durante reuniaun ko’alia kona-ba kooperasaun entre nasaun rua, liuliu kona-ba prevensaun no kombate Covid-19 iha Timor-Leste.
Australia kontinua fó apoiu ba Timor-Leste hanesan foin lalais, apoiu vasina AstraZeneca 20.000 doses, no iha semana hirak mai sei haruka tan 10.000 doses. Tulun sira ne’e halo liu husi Ministériu Saúde hodi kombate Covid-19.
Alem de ne’e, Austrália mós fó apoia umanitária ba komunidade sira ne’ebe sai vítima ba inundasaun iha fulan kotuk.
Koália mós kona-ba kooperasaun Parlamentu Nasionál ho Parlamentu Austrália ne’ebe iha tempu pandemia ne’e defisil atu halo programa ruma, maibé sei bele realiza hafoin pandemia Covid-19.
Prezidente Parlamentu Nasionál agradese tebes ba apoiu tomak husi povu no Governu Austrália durante ne’e, liuliu iha kombate Covid-19 no kalamidade publika.
