Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, iha loron 12 fulan maiu tinan 2021, simu audiénsia husi Embaixadór Uniaun Europeia, Andrew Jacobs, no reprezentante PNUD (Programa Nasaun Unida ba Dezenvolvimentu) iha Timor-Leste, Munkhtuya Altangerel, iha gabinete Prezidente nian.
Hafoin reuniaun, Embaixadór Uniaun Europeia informa ba jornalista sira katak durante audiénsia ho Prezidente Parlamentu Nasionál diskuti liu kona-ba programa kooperasaun sira ba oin, liuliu programa hirak ne’ebe sei realiza iha tempu badak.
Uniaun Europeia no PNUD kontinua iha komitimentu hodi apoia Governu Timor-Leste hodi dezenvolve povo no nasaun.
Prezidente Parlamentu Nasionál agradese ba apoiu tomak durante ne’e no husu atu kontinua ba futuru.
