Pagina Inicial»Noticia
Parlamentu Nasionál iha loron 21 fulan abril tinan 2021, hahú ona halo diskusaun iha espesialidade ba Proposta de Lei n.o 32/V (3º) – Primeira alteração à Lei nº. 14/2020, de 29 de dezembro sobre o Orçamento Geral do Estado para 2021.
Sesaun plenária ne’e hahú ho abertura husi Prezidente Parlamentu Nasionál, Aniceto Longuinhos Guterres Lopes, no kontinua kedan ba diskusaun no aprovasaun ba Capítulo I Disposições Iniciais, Artigo 1º objeto, Capítulo II Alterações Legislativas, Artigo 2º Alteração ao anexo à lei nº 14/2020, de 29 de dezembro.
Iha diskusaun ne’e, iha proposta alterasaun ne’ebé mak apresenta hussi Deputado sira hodi ajusta montante sira nebe’e mak iha ona proposta inicial.
Hafoin aprovasaun iha espesialidade ba parte sira ne’ebe mensiona, iha loron 22 fulan abril tinan 2021 kontinua diskusaun iha linha ministerial sira ne’ebé seidauk aprova.
Sesaun plenária ne’e, prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira no hetan prezensa husi Primeiru-Ministru, Taur Matan Ruak, ho nia membru Governu sira.
