Pagina Inicial»Noticia
Komisaun C no E Parlamentu Nasionál nian, realiza audiénsia ho Membru Governu sira hanesan Ministru Planu no Ordenamentu (MPO) no Ministru Obras Públikas (MOP), kona-ba Proposta de Lei relativa à Primeira alteração à Lei nº 14/2020, de 29 de dezembro, do Orçamento Geral do Estado para 2021.
Iha loron 14 fulan abril tinan 2021, Kamisaun C ne’ebé trata asuntu Finansa Públika, halo audiénsia ho Ministru Planu no Ordenamentu (MPO), nomos Ministru Obras Públikas (MOP).
Audiénsia ne’e rasik realiza iha Sala Plenária no prezide husi Prezidente Komisaun C, Deputada Maria Angelica Rangel dos Reis, akompaña husi Deputadu sira komisaun C nian.
Hafoin audiénsia ho Komisaun C, Ministru MOP, kontinua halo audiensia iha parte lorokraik ho Komisaun E ne’ebé trata asuntu Infraestrutura, iha Sala Konferésia, no lidera hussi Presidente Komisaun, Deputado Abel Pires da Silva hamutuk ho Deputado sira Komisaun nian.
Iha parte seluk, Komisaun D ne’ebé trata asuntu Ekonomia no Dezenvolvimentu nomos Komisaun G ne’ebé trata asuntu Edukasaun, Juventude, Kultura no Sidadania, halo diskusaun no aprovasaun ba relatório no pareceres sectoriais hussi Proposta de Lei relativa à Primeira alteração à Lei nº 14/2020, de 29 de dezembro, do Orçamento Geral do Estado para 2021.
