Pagina Inicial»Noticia
Parlamento Nacional liu hussi sessão plenária ordinária, iha loron 22 fulan março tinan 2021, Deputado sira halo discussão no votação ba Projeto de Resolução nº 68/V(3ª) kona-ba realização reunião plenária no comissão sira durante período confinamento domiciliário iha município Díli decretado iha âmbito estado emergência.
Projeto de resolução ne’e, ho objetivo atu iha situação cerca sanitária no confinamento domiciliário geral ba população iha município Díli, reunião plenária no reunião comissões sira, funciona hanesan, reunião plenária por semana, iha segunda-feira, la prejuízo ba realização reunião plenária iha tempo seluk, sempre que iha convocação ruma tuir termos gerais, no Comissão Especializada Permanente realiza apenas reunião presencial estritamente necessária ba andamento processo legislativo prioritário sira, no cumpri nafatin medidas distanciamento social ne’ebe decreta, wainhira possível, organiza reunião liu hussi videoconferência.
Projeto de Resolução nº 68/V(3ª) ne’e, aprova ho votos 46 a favor, 0 contra no 13 abstenção
Além de ne’e, Mesa halo anúncio da Admissão no baixa ba Comissão A ne’ebé trata Assunto Constitucionais e Justiça Projeto de Lei nº. 20/V(3ª) – Lei da Programação do Setor da Justiça e do Projeto de Lei nº.22/V(3ª) – Primeira Alteração ao Decreto-Lei nº 10/2017, de 29 de março (Estatuto da Defensoria Pública).
Plenário halo mos votação ba pedido suspensão de funções (levantamento de imunidade) ba Deputado António da Conceição, ho votos 57 a favor, 0 contra, 4 abstenções no voto branco1.
Bancada Parlamentar KHUNTO, representa hussi Deputado António Verdial hato’o declaração política hodi agradece ba Governo relaciona ho medida sira hodi hatán ba situação epidemiologia iha Timor-Leste, hanesan apoio humanitário ba estudante hirak ne’ebe aluga uma iha Díli laran nomos população afetado sira.
Entretanto iha intervenções diversas nian, Deputado sira, continua preocupa ho caso covid-19 ne’ebé loroloron aumenta makas, liga ho apoio humanitário no mos acesso entrada no saída população hussi Díli ba Foho no hussi foho mai Díli; bee-mos iha Díli laran la iha; Cria mecanismo hodi facilita produto alimentar essencial ba município sira; Estrada iha Lolotoe la di’ak; ema desconhecidos tiro karau população nian iha suco Lahomea-Maliana; no informação importante sira seluk.
Hatán ba preocupação sira ne’e, Ministro dos Assuntos Parlamentares e Comunicação, Francisco Jerónimo hatete, liga ba apoio humanitário ba estudante hirak ne’ebe aluga uma, entrega ona ba cada universidade hodi distribui ba estudante sira ne’ebe aluga uma; Liga ho acesso entrada no saída hussi Díli ba Município no Município mai Díli hodi transporta ai-han, bele hetan acesso maibé precisa iha coordenação, informação seluk sei hato’o ba ministério competente hodi resolve.
Sessão plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro da Mesa sira no hetan presença hussi Ministro dos Assuntos Parlamentares e Comunicação, Francisco Jerónimo.
