Comissão E, ne’ebé trata assunto Infraestruturas halo apresentação relatório ba visita fiscalização ba município sira maka hanessan, Lautém, Viqueque no RAEOA, iha loron 9 fulan março tinan 2021, relatório ne’e rassik apresenta hussi Presidente Comissão E, Deputado Abel Pires no relatora Deputada Maria Anabela Sávio.
Hussi relatório fiscalização ne’e, relata kona-ba projeto obras públika ne’ebe halao iha município sira kona ba rehabilitasaun setor estrada, eletricidade no bee-moos no saneamento.
Antes tama ba agenda plenária nian, Presidente Parlamento, informa ba plenário katak, orsida lokraik sei iha teste swap ba Deputado sira inclui ema hotu-hotu ne’ebé presta serviço iha Parlamento Nacional, no iha loron quarta sei suspende atividade sira hotu atu fo tempo hodi desinfeta fatin Parlamento Nacional no iha loron quinta-feira, hotu- hotu tama no cumpre regras ne’ebe vigora. Tanba ne’e, Presidente sei halo reunião iha orsida lokraik ho Lideres Bancadas hodi foti decisão.
Iha sessão plenária ne’e mós bancada parlamentar KHUNTO hato’o declaração política relaciona ho declaração hussi Bancada CNRT nian hodi ataca Vice-Ministro Interior katak abuso de poder.
Entretanto iha intervenção diversa nian, Deputado sira nafatin sugere ba órgão estado sira atu foti decisão relaciona ho lockdown no confinamento obrigatório; restos mortais timor oan ne’ebe to agora seidauk hatene sira nia paradeiro; no mos informações importante sira seluk ne’ebé liga ho infraestrutura no necessidade básica população nian.
Sessão plenária ne’e preside Presidente Parlamento Nacional, Aniceto Longuinhos Guterres Lopes, acompanha hussi membro Mesa sira, no hetan presença hussi Ministro dos Assuntos Parlamentares e Comunicação, Francisco Jerónimo.
