Pagina Inicial»Noticia
Deputado sira Parlamento Nacional, liu hussi representante Bancada Parlamentar participa iha programa Rona Povu nia Lian, Membro Parlamento Nacional ho líder Autoridade Local Ossu, liu hussi encontro virtual, fatin salão Administrativo Posto Ossu, Membro Parlamento iha sala de formação Parlamento Nacional, iha loron 5 fulan março tinan 2021.
Iha encontro virtual ne’e, questão ne’ebe autoridade local sira levanta mak hanessan: ahi, bee- moos, estrada, educação no saúde, rede telecomunicação, rede radio no televisão nian, pagamento ba terceira idade no mos programa cesta básica ninian.
Questão sira ne’e hotu Deputado sira nu’udar representante povo nian, sei hato’o ba ministério competente hodi tau iha consideração, tuir orçamento ne’ebe alocado ona iha Orçamento Geral Estado.
Tuir Gestor Sénior Programa IRI Timor-Leste, Karlito Nunes, hatete, Programa ida ne’e IRI hala’o durante tinan 3 ona, antes covid-19 ne’e ho presença direita hussi Deputado sira, maibé ho covid-19, programa ne’e realiza virtual atu Membro Deputado sira atu iha comunicação nafatin ho eleitor sira hodi hatene sira nia preocupação no buka fó solução ba preocupação sira ne’e. Programa ida ne’e sei contínua tan ba fatin seluk ne’ebe identificado ona.
