Presidente Parlamento Nacional, Aniceto Longuinhos Guterres Lopes, realiza reunião ho Embaixador Portugal iha Timor-Leste, José Pedro Machado Vieira, iha loron, 05 fulan março tinan 2021, iha Gabinete Presidente Parlamento Nacional nian.
Depois encontro ba jornalista sira Presidente hatete, reunião ne’e hanesan reunião de trabalho ida atu hare oportunidade ka possibilidade apoio ho cooperação hussi Portugal nian mai Parlamento Nacional. Durante ne’e Timor-Leste nia amigo ne’ebe besik liu mak Portugal, sira hatudu apoio no cooperação iha área barak.
Ikus liu Presidente lori povo ho Parlamento nia naran, hato’o agradecimento ba cooperação sira ne’ebé lao iha Timor-Leste, especifica liu koalia barak iha área cooperação entre Parlamento rai rua nian.
Presidente hatutan liu tan katak, Timor-Leste nia desafio boot mak desenvolvimento ba recurso humanos. Cooperação ne’ebé mak iha tia ona, durante ne’e lao tia ona entre Parlamento rua ne’e lao diak teb-tebes, hakarak alarga tan cooperação liu-liu ba área desenvolvimento recursos humanos Parlamento Nacional ninian, hare possibilidade iha bolsa estuda ba funcionário, técnico Parlamento ninian, iha cooperação área sel-seluk tan nebe durante ne lao tia ona no atu continua.
